Shopify vs. WooCommerce

კომერცია მუშაობს პლატფორმებზე და არა ფლაგინებზე

მაღალი კონვერსიის, ხარჯების ეფექტურობისა და მოწინავე ინოვაციების გათვალისწინებით, მონაცემები ერთ დასკვნამდე მიდის: კომერციის სფეროში Shopify ლიდერობს

ათასობით ბრენდი უკვე გაიზარდა და აღარ ჰყოფნის WooCommerce

ბრენდები გადადიან Shopify-ზე — ყველაზე სანდო გლობალურ კომერციის პლატფორმაზე შენი ბიზნესის გასაფართოებლად.
  • Rudis logo
  • Thermomix logo
  • Dr. Scholl’s logo
  • Sunology logo
  • Woobles logo
  • Muscle Nation logo
  • T1tan logo

რატომ Shopify?

ოთხი მიზეზი, რის გამოც ბრენდები ჩვენთან გადმოდიან

  1. 1
    უსაფრთხო და სანდო

    Shopify უზრუნველყოფს მონაცემთა დაცვას და 99,9%-იან უწყვეტი მუშაობის დროს.

  2. 2
    უკეთესი TCO

    Shopify-ის მფლობელობის მთლიანი ღირებულება (TCO) საშუალოდ 36%-ით უკეთესია, ვიდრე WooCommerce-ის.

  3. 3
    მოსახერხებელი და მოქნილი

    შეამცირე ტექნიკური დავალიანება და მიეცი შენს გუნდს შესაძლებლობა, განახორციელოს ცვლილებები უფრო სწრაფად, კოდის ნაცვლად კლიკების გამოყენებით.

  4. 4
    მეტი შესაძლებლობა

    Shopify-ის ძლიერი ჩაშენებული ფუნქციები და აპლიკაციების უაღრესად სანდო ეკოსისტემა შექმნილია მზარდი ბრენდებისთვის.

უსაფრთხო და სანდო

იმუშავე Shopify-ის გლობალურ ინფრასტრუქტურაზე

Shopify გთავაზობს უსაფრთხო დაშიფრვას, წვდომის კონტროლს, მონაცემთა სარეზერვო ასლებსა და ქსელის უსაფრთხოებას, რათა შეძლო შენი ბრენდის ზრდაზე ფოკუსირება. ღია კოდის მქონე პლატფორმებზე, როგორიცაა WooCommerce, შენი გუნდი თავადაა პასუხისმგებელი ჰოსტინგზე, PCI შესაბამისობასა და პროგრამული უზრუნველყოფის განახლებებზე, რაც ზრდის კიბერუსაფრთხოების პოტენციურ საფრთხეებს.

33

2023 წელს WooCommerce-ზე დაფიქსირებული მოწყვლადობები, რაც ხაზს უსვამს ბრენდების უსაფრთხოების რისკებს
წაიკითხე ანგარიში 

99,9%

Shopify-ის უწყვეტი მუშაობის საშუალო დრო უზრუნველყოფს ონლაინ მაღაზიების მუდმივ ხელმისაწვდომობას მომხმარებლებისთვის.

ჩვენ ყველაფერს ვაგვარებთ

წამყვანი ეფექტურობა ინდუსტრიაში

როცა საქმე ეფექტურობას ეხება, ჩვენ ლიდერები ვართ. მაღალსიჩქარიანი და მაღალი კონვერსიის მქონე საიტებით Shopify მსოფლიოს მასშტაბით 644 მილიონზე მეტ მყიდველს ემსახურება. გლობალური კვლევა აჩვენებს, რომ Shopify 17%-ით უსწრებს WooCommerce-ს შეკვეთის გაფორმების ეტაპზე. დაფიქსირებული 5,5 მილიარდზე მეტი დამუშავებული შეკვეთით, Shopify გაძლევს ბაზარზე წამყვან მასშტაბირებად გადაწყვეტილებებს.

სრულყოფილი შესაბამისობა

დაიცავი შენი მონაცემები

Shopify-სთვის პრიორიტეტულია უზრუნველყოს შენი შესაბამისობა ისეთ სტანდარტებთან, როგორიცაა PCI უსაფრთხო გადახდებისთვის, SOC 1, 2, 3 საცალო მოვაჭრეებისთვის და GDPR მონაცემთა დაცვისთვის. ამის საპირისპიროდ, WooCommerce-ს არ აქვს ჩაშენებული PCI, SOC და GDPR შესაბამისობა, რაც ზრდის იდენტობის მოპარვის, კომპანიის რეპუტაციის შელახვისა და მომხმარებლების დაკარგვის რისკებს. რომ აღარაფერი ვთქვათ პოტენციურ სასამართლო დავებზე, სადაზღვევო მოთხოვნებსა და სახელმწიფო ჯარიმებზე.

თაღლითობისგან დაცვა

დაიცავი თავი თაღლითობისგან

Shopify გთავაზობს თაღლითობისგან დაცვის მრავალშრიან სისტემას, რომელიც მოიცავს თაღლითობის ანალიზის ინტეგრირებულ ინსტრუმენტებს საუკეთესო ამომცნობ სერვისებთან სინქრონიზაციით. შეკვეთების რისკის, ჩარჯბექებისა და სხვათა შესახებ ინსაითებით, ჩვენი ჩაშენებული ანალიტიკა გაძლევს შესაძლებლობას, მიიღო ინფორმირებული გადაწყვეტილებები უსაფრთხოების დარღვევების გარეშე და უზრუნველყო მონაცემთა დაცვა.

Shopify-ს აქვს ყველაზე სწრაფი სერვერის სიჩქარე კომერციაში

საიტის უფრო მაღალი სიჩქარე ყველაფერზე მოქმედებს — შემოსავლიდან დაწყებული ოპერაციებით დამთავრებული. გაზომე შენი საიტის ეფექტურობა, რათა ნახო, როგორ შეიძლება იმოქმედოს მან შენს გაყიდვებზე და შეადარო კონკურენტებს.

მიიღე შენი ინდივიდუალური ანგარიში
საიტის სიჩქარის გრაფიკი

უკეთესი TCO

იყავი უფრო ეფექტური Shopify-ზე

Shopify-ის მფლობელობის მთლიანი ღირებულება (TCO) 36%-ით უკეთესია, ვიდრე WooCommerce-ის. კონკურენტული პლატფორმის საკომისიოებიდან დაწყებული პლატფორმის სიმარტივითა და გამოყენების სიმარტივით დამთავრებული, Shopify საუკეთესო არჩევანია იმ ბიზნესებისთვის, რომლებსაც სურთ ოპერაციული ეფექტურობის გაუმჯობესება.*

საშუალოდ 36%-ით უკეთესი TCO Shopify-ზე, ვიდრე WooCommerce-ზე

საშუალოდ 36%-ით უკეთესი TCO Shopify-ზე, ვიდრე WooCommerce-ზე

Shopify-სთან შედარებით, WooCommerce-ს აქვს:

49%

დანერგვისა და დაყენების საშუალოდ უფრო მაღალი ხარჯები

32%

პლატფორმის საკომისიოებისა და ელ. კომერციის სტეკის საშუალოდ უფრო მაღალი ხარჯები

41%

ოპერაციული ხარჯები საშუალოდ უფრო მაღალია

აღმოაჩინე მოულოდნელი ხარჯები

WooCommerce უფასოა (მაგრამ წაიკითხე წვრილი შრიფტით ნაწერი)

მთლიანობაში, პლატფორმის ხარჯები Shopify-ზე უკეთესია. WooCommerce, რომელიც თავად ფლაგინია, მხოლოდ ძირითად ფუნქციებს გთავაზობს და ძლიერადაა დამოკიდებული დამატებით ფლაგინებზე. თუ შევაჯამებთ გადახდის საკომისიოებს, დამატებით ფლაგინებსა და პროგრამულ უზრუნველყოფას, WooCommerce-ზე საშუალოდ 32%-ით მეტს გადაიხდი პლატფორმისა და ტექნოლოგიური სტეკის ხარჯებში, ვიდრე Shopify-ზე.

იმუშავე შეფერხების გარეშე

აირჩიე კომფორტი კომპრომისის ნაცვლად

Shopify-ის საერთო ოპერაციული ხარჯები უკეთესია, ვიდრე WooCommerce-ისა, პლატფორმის სიმარტივისა და დეველოპერებზე ნაკლები დამოკიდებულების გამო. WooCommerce-ს სჭირდება მრავალი დანამატი. ბევრი ბრენდი, რომელიც WooCommerce-დან Shopify-ზე გადავიდა, აღნიშნავს, რომ პროცესების შეუფერხებლად მართვისთვის თანამშრომლის დაქირავება ან სააგენტოს აყვანა უწევდათ. ამან შეიძლება გაზარდოს ხარჯები და შეანელოს მუშაობა. WooCommerce-ს საშუალოდ 41%-ით უფრო მაღალი ოპერაციული და მხარდაჭერის ხარჯები აქვს.

დანერგე ეფექტურად

დაზოგე დაყენებისას

Shopify-ზე ახალი ვიტრინის დანერგვა საშუალოდ 41%-ით უფრო სწრაფია, ვიდრე WooCommerce-ზე. ეს შეიძლება გამოწვეული იყოს საიტის გასაუმჯობესებლად საჭირო დამატებითი ფლაგინებითა და მორგების პროცესით. ამ ყველაფერმა შეიძლება გაართულოს შენი ტექნოლოგიური სტეკი და შეანელოს დაყენება WooCommerce-ზე. რეალურად, WooCommerce-ის შეზღუდული ფუნქციები და რთული ინტეგრაციები, როგორიცაა API გეითვეიების საჭიროება, იწვევს დაყენების ხარჯების საშუალოდ 49%-ით ზრდას.

უკეთესი ROI

ჩვენი კონვერსიის კვლევა ყველაფერზე მეტყველებს

Shopify-ს აქვს საუკეთესო გლობალური შეკვეთის გაფორმება და საშუალოდ 17%-ით მაღალი კონვერსიის მაჩვენებელი, ვიდრე WooCommerce-ს. მიიჩნიე კონვერსიის მაჩვენებელში ეს 17%-იანი სხვაობა იმ თანხად, რომელსაც კარგავ WooCommerce-ის არჩევით.

მოსახერხებელი და მოქნილი

ერთი ფლაგინი არ უნდა მართავდეს შენს მთელ ბიზნესს

მომხმარებელზე მორგებული ინტერფეისით Shopify უზრუნველყოფს მოქნილობას, რაც საშუალებას აძლევს შენს ბიზნესს, ზრდასთან ერთად მოერგოს და უპასუხოს ბაზრის ტენდენციებს. შენს გუნდს შეუძლია მარტივად მართოს ვიტრინა ტექნიკური გამოცდილების გარეშეც. ამის საპირისპიროდ, WooCommerce მუშაობს როგორც ფლაგინი შენი WordPress საიტისთვის და მის გასაუმჯობესებლად დამატებითი ფლაგინებია საჭირო. თუმცა, ფლაგინები ყოველთვის კარგად არ მუშაობენ ერთად WooCommerce-ზე ინტეგრირებისას, რის გამოც შენს გუნდს მცირე ცვლილებებისთვისაც კი დეველოპერებზე დაყრდნობა უწევს.

მარტივი ადმინისტრირება

შენს გუნდში Shopify-ის მართვა ნებისმიერს შეუძლია

Shopify-ის ინტუიციური ინტერფეისი აძლევს ტექნიკურ და ბიზნეს მომხმარებლებს შესაძლებლობას, დამოუკიდებლად შექმნან ღირებულება. ამის საპირისპიროდ, WooCommerce მოითხოვს დეველოპერის ჩართულობას ფლაგინების დანერგვისთვის, განახლებისთვის და ვიტრინებში ცვლილებების შესატანად. Shopify-ს შეუძლია იმუშაოს „დაბალ კოდზე“ (low code) შენი ვიტრინის ხარისხის კომპრომისის გარეშე.

WORDPRESS

Shopify შეუფერხებლად ინტეგრირდება WordPress-თან

ბრენდებს ხშირად აოცებთ Shopify-ის კონტენტის შესაძლებლობები. შეგიძლია შექმნა მრავალფეროვანი კონტენტი ჩვენს პლატფორმაზე, რაც შეამცირებს ცალკეული CMS-ის საჭიროებას. თუმცა, Shopify უპრობლემოდ უჭერს მხარს ყველა ტიპის headless ვიტრინას, მათ შორის WordPress-ს. როგორც მარკ ნეგელმანი, Lull-ის ოპერაციების დირექტორი, ამბობს: „მოერგებოდა თუ არა ჩვენი უნიკალური იდენტობა Shopify-ის ინფრასტრუქტურის ფარგლებს? პასუხი არის: დიახ,“ რამაც Lull-ს დააზოგინა 25% პროგრამული უზრუნველყოფის ხარჯებში და 10%–15% ტექნოლოგიურ ხარჯებში.

იმოძრავე უფრო სწრაფად, წინაღობების გარეშე

სრული მოქნილობა, ყოველგვარი ტექნიკური დავალიანების გარეშე

მიეცი შენს ინჟინრებს შესაძლებლობა, შექმნან ინოვაციები Shopify-ის მზა გადაწყვეტილებებზე მუშაობით. აღმოფხვერი ტექნიკური დავალიანება და მორგებული დეველოპმენტის საჭიროება WooCommerce-ზე. Shopify-ზე შეგიძლია დააჩქარო ბიზნესის ინოვაციები დანერგვასა და მხარდაჭერაზე დახარჯული დროის შემცირებით.

მეტი შესაძლებლობა

მიიღე მეტი მზა ფუნქცია Shopify-ზე

Shopify-ს აქვს საუკეთესო კომერციული შესაძლებლობების სრული პაკეტი, რომელიც მხარს დაუჭერს შენს ბიზნესს, განურჩევლად შენი ზრდის გეგმებისა. Shopify-ის ფუნქციები, როგორიცაა გაფართოებული B2B, პროდუქტის კონფიგურაციები და მარკეტინგული ინსტრუმენტები, მხოლოდ ნაწილია იმისა, რასაც შენს ბიზნესს შევთავაზებთ — ტექნიკური დავალიანების გარეშე.

100%

Shopify კომერციაზეა ფოკუსირებული

ჩაშენებული შესაძლებლობები

ყველაფერი, რაც გჭირდება, ერთ პლატფორმაზეა

Shopify-ის ყოვლისმომცველი კომერციის გადაწყვეტილება DTC-სთვის, B2B-სა და გაყიდვის წერტილისთვის (POS) დაგეხმარება ბიზნესის ყველა მიმართულებით გაზრდაში. ჩვენი ჩაშენებული ფუნქციები, როგორებიცაა სემანტიკური ძიება, მულტივალუტა, ენის მართვა, უფასო მარკეტინგული ინსტრუმენტები და მორგებადი მონაცემთა მოდელები, უზრუნველყოფს საუკეთესო ფუნქციონალს. ეს დაეხმარება შენს გუნდებს, მეტად ფოკუსირდნენ ინოვაციებზე და ნაკლებად ნულიდან შენებაზე.

აპლიკაციების ფართო არჩევანი

Shopify-ის სანდო ეკოსისტემის უპირატესობა

Shopify გაძლევს წვდომას 8 000-ზე მეტ წინასწარ აწყობილ და გამოსაყენებლად მზა სანდო აპლიკაციაზე. ასე რომ, შეგიძლია გააფართოო ფუნქციონალი შენი ბიზნესის საჭიროებების მიხედვით, დეველოპერის დახმარების გარეშე. WooCommerce-ზე შეზღუდულია კონტროლი იმაზე, თუ რომელი ფლაგინებია განთავსებული და მცირეა ინფორმაცია მათი მხარდაჭერის შესახებ. Shopify ორიენტირებულია იმაზე, რომ ყველაფერი შეუფერხებლად მუშაობდეს და მარტივად განახლდეს.

რატომაა მნიშვნელოვანი აღიარება

ენდე ლიდერებს კომერციაში

Shopify-ის მზარდი მომხმარებელთა ბაზა, CMS-ის არჩევანი და მასშტაბირებადობა მაღალ შეფასებას იღებს ცნობილი ანალიტიკოსების ანგარიშებში, როგორც ელ. კომერციის ლიდერი. WooCommerce-ის ზრდის ნელი ტემპისა და ძირითადად მცირე ბიზნესებზე ორიენტირებული მომხმარებელთა ბაზის გამო, ისინი არ ჩანან ისეთ ანგარიშებში, როგორიცაა IDC, Forrester ან Gartner, რომლებიც უფრო დიდი ბრენდების მასშტაბირებაზეა გათვლილი. გარდა ამისა, კომპანიის დამოკიდებულება WordPress-ზე ზღუდავს შენს CMS არჩევანს, რაც ხელს უშლის შენი ბიზნესის ზრდას.

მკაფიო გეგმა

Shopify უფრო მეტ ახალ ფუნქციას უშვებს, ვიდრე WooCommerce

Shopify-მ 2021 წლიდან წელიწადში ორჯერ გამოუშვა ასობით პროდუქტის განახლება Editions-ის მეშვეობით, იმ მიზნით, რომ კომერცია ყველასთვის უკეთესი გახდეს. ამის საპირისპიროდ, WooCommerce-ის განვითარების გეგმა მწირია. Shopify-ში ჩვენ გთავაზობთ ხშირად განახლებად, უსაფრთხო, ოპტიმიზებულ და მდგრად კომერციის პლატფორმას, რომელიც შექმნილია შენი ბიზნესის ზრდისთვის.

ელ. კომერციის სანდო პარტნიორები

Shopify-ის ექსპერტების პოვნა მარტივია

ასობით გლობალურ სააგენტოსა და პარტნიორს აქვს Shopify-სთან მუშაობის ღრმა გამოცდილება შენი ბიზნესის დასახმარებლად. Shopify-ის პარტნიორმა, Quickfire Digital-მა, შეიმუშავა გზამკვლევი იმის შესახებ, თუ რატომ იქნება WooCommerce-დან Shopify-ზე გადასვლა მომგებიანი შენი მზარდი ბიზნესისთვის. კიდევ ერთმა პარტნიორმა, Fyresite-მა, გამოაქვეყნა ბრიფი, სადაც ჩამოთვლილია მიზეზები, თუ რატომ აღარ დანერგავენ WooCommerce-ს.

Shopify-ის ინვესტიცია R&D-ში

ჩვენ ერთგულნი ვრჩებით ჩვენი მისიისა, გავხადოთ კომერცია უკეთესი ყველასთვის. Shopify-მ მილიარდები დახარჯა კვლევასა და განვითარებაში (R&D), რათა მუდმივად გააუმჯობესოს პროდუქტი ჩვენი მომხმარებლებისთვის.

მილიარდობით

მომხმარებლებისთვის Shopify-ის პლატფორმის გასაუმჯობესებლად განხორციელებული ინვესტიცია
იხილე ფინანსური ანგარიშები 

800+

Shopify-ის ფუნქციები და გაუმჯობესებები, რომლებიც 2020 წლიდან დაემატა

ანალიტიკოსების შეფასება

ექსპერტები ირჩევენ Shopify-ს

2023 Leader in Gartner® Magic Quadrant™
2024 წლის ლიდერი Gartner® Magic Quadrant™-ში

83%

Shopify-ზე მზარდი ტანსაცმლის ბრენდების რაოდენობა 2PM-ის მიხედვით
წაიკითხე 2PM-ზე 
GARTNER® MAGIC QUADRANT™ ლოგო

Gartner® Magic Quadrant™

Shopify კვლავ ლიდერია 2024 წლის Gartner® Magic Quadrant™-ში

Shopify აგრძელებს ბრწყინვალებისა და ინოვაციების ტრადიციას კომერციაში და ზედიზედ მეორე წელია დასახელდა ლიდერად 2024 წლის Gartner® Magic Quadrant™-ში.
წაიკითხე ანგარიში 

2023 წლის 21 აგვისტო

2PM ლოგო

2PM

2PM-ის ანგარიშით, გაიზარდა იმ ბრენდების რაოდენობა, რომლებიც იყენებენ Shopify-ს WooCommerce-ის ნაცვლად

საინფორმაციო გამოცემა 2PM-მა ახლახან ჩაატარა მსოფლიოს 60-ზე მეტი მზარდი ტანსაცმლის ბრენდის ტექნოლოგიური აუდიტი. რა აღმოაჩინეს? ამ ბრენდებიდან 55, ანუ 83%, Shopify-ზეა, ხოლო მხოლოდ 3% არის WooCommerce-ის მომხმარებელი.
წაიკითხე ანგარიში 

2023 წლის ნოემბერი

IDC ლოგო

IDC

IDC-ის თქმით, Shopify „ცვლის საწარმოების კომერციის კონცეფციას“

ლოს-ანჯელესში გამართულ Shopify-ის საწარმოო პარტნიორების სამიტზე, IDC-მ დაასკვნა, რომ Shopify-ის „თამამი ნაბიჯი საწარმოების სექტორში“ „ცვლის საწარმოების კომერციის კონცეფციას“ და „იწვევს დამკვიდრებულ საწარმოო მოთამაშეებს „ერთიანი კომერციის“ შესაძლებლობებით“.
წაიკითხე ანგარიში 

2023 წლის 4 ოქტომბერი

Your Basket Is Empty ლოგო

გავლენიანი ხმები

რიკ უოტსონის თქმით, ელ. კომერციის მომავალი Shopify-სა და Commercetools-ს შორის ნაწილდება

Your Basket Is Empty პოდკასტში რიკ უოტსონი პროგნოზირებს, რომ სამომავლოდ Shopify ელ. კომერციის მთავარი მოთამაშე იქნება.
მოუსმინე სრულ ეპიზოდს 

2023 წლის 4 ოქტომბერი

მიგრაციის პარტნიორები

გააკეთე მიგრაცია კომერციული პარტნიორების უდიდეს ეკოსისტემასთან ერთად

გსურს WooCommerce-დან მიგრაცია? Shopify-ის პარტნიორები დაგეხმარებიან. მიეცი ჩვენს გლობალურ პარტნიორებს შესაძლებლობა, დაგეხმარონ ზრდისკენ მიმავალი გზის გაკვალვაში.

10 000+

აპლიკაციისა და ტექნოლოგიური პარტნიორები

100+

Shopify Plus-ის სერტიფიცირებული აპლიკაციის პარტნიორები

WooCommerce მიგრაციის რჩეული პარტნიორები

Shopify-ის პარტნიორის, Absolute Web-ის ლოგო
Shopify-ის პარტნიორის, FAV Solution-ის ლოგო
Shopify-ის პარტნიორის, Molsoft-ის ლოგო
Shopify-ის პარტნიორის, eHouse Studio-ის ლოგო
Shopify-ის პარტნიორის, Uncap-ის ლოგო

ხშირად დასმული კითხვები: Shopify vs WooCommerce

SHOPIFY VS. WOOCOMMERCE

გინდა უკეთესი შედეგები? გადადი Shopify-ზე

უფრო მაღალი შემოსავლიდან დაწყებული მუდმივი ინოვაციებით დამთავრებული, მომხმარებლები და ანალიტიკოსები თანხმდებიან, რომ Shopify უდავოდ საუკეთესო არჩევანია.
დაიწყეთ უფასოდდაგვიკავშირდით