Shopify Flow

ઈકૉમર્સ ઑટોમેશન એ તમારા બિઝનેસના કામો, પ્રક્રિયાઓ અથવા ઝુંબેશને ઑટોમેશનમાં રૂપાંતરિત કરવા માટે બનાવવામાં આવેલું સૉફ્ટવેર છે, જે જરૂર પડે ત્યારે જ સમજદારીપૂર્વક એક્ઝિક્યુટ થાય છે. આ રીતે બિઝનેસ તેમની પાસે ઉપલબ્ધ સંસાધનોનો વધુ સારી રીતે ઉપયોગ કરી શકે છે.

સમસ્યા એકદમ સરળ છે: જેમ જેમ બિઝનેસનો વ્યાપ વધે છે તેમ, ડિમાન્ડ, જટિલતા અને વારંવાર કરવા પડતા કામ વધે છે. પહેલાં જે સિસ્ટમ કામ કરતી હતી તે ધીમે ધીમે બિનકાર્યક્ષમ બને છે અને બંધ પડી જાય છે. તેના ઉકેલ માટે, કંપનીઓ વધુ સમય લેતા વિકલ્પો તરફ વળે છે—મહત્ત્વપૂર્ણ બાબતો પર ખર્ચ થઈ શકતો સમય માત્ર બટન દબાવવા જેવા તાત્કાલિક કામો પાછળ વેડફાઈ જાય છે. અથવા કંપનીઓ નવા કર્મચારીઓને કામે રાખે છે. કમનસીબે, માણસો બિઝનેસને સ્કેલ કરી શકતા નથી. પરંતુ તેનાથી માણસોનું મૂલ્ય ઘટતું નથી—તેના બદલે તે વધુ મજબૂત બને છે. માણસો, ખાસ કરીને વર્કફ્લો દ્વારા થઈ શકતા કામને બદલે મુખ્ય પ્રવૃત્તિઓ પર ધ્યાન કેન્દ્રિત કરવાની તેમની ક્ષમતા, એ તમારું સૌથી શક્તિશાળી સંસાધન છે.

ઈકૉમર્સ ઑટોમેશન ઘણા અલગ-અલગ પ્રકારના હોઈ શકે છે, જેમ કે વિભાજન અને માર્કેટિંગ માટે ગ્રાહકોને ટેગ કરવા, પ્રોડક્ટ્સ છુપાવવી અને ઓછી હોય કે આઉટ ઑફ સ્ટૉક થઈ ગઈ હોય તેવી આઇટમ માટે રિઑર્ડર શરૂ કરવા અથવા ઉચ્ચ-જોખમવાળા ઑર્ડર ટ્રેક કરીને અટકાવવા. દરેક વર્કફ્લો સાથે, લક્ષ્ય એક સમાન છે: વેપારીઓને તેમના બિઝનેસને સ્કેલ કરવા માટે જરૂરી વર્કફ્લો બનાવવાની મંજૂરી આપવી.

અહીં કેટલાક સૌથી લોકપ્રિય ઉદાહરણો આપ્યા છે:

• ઇન્વેન્ટરી મેનેજમેન્ટ: આઉટ ઑફ સ્ટૉક પ્રોડક્ટને અનપબ્લિશ કરો અને તમારી માર્કેટિંગ ટીમને Slack મેસેજ અથવા ઇમેઇલ મોકલો જેથી તેઓ જાહેરાત થોભાવી શકે.
• છેતરપિંડી નિવારણ: ફુલફિલમેન્ટ પહેલાં, $5000 થી વધુના ઑર્ડરનો રિવ્યૂ કરવા માટે ઇમેઇલ મોકલો કારણ કે તે સ્ટોર માટે અસામાન્ય ઑર્ડર છે.
• પ્રોડક્ટ રિવ્યૂ: જ્યારે કોઈ નેગેટિવ રિવ્યૂ પોસ્ટ કરવામાં આવે, ત્યારે ઑટોમૅટિક રીતે ગ્રાહક સપોર્ટ ટિકિટ બનાવો અને Slack મેસેજ મોકલો.
• લોયલ્ટી: ગ્રાહક તેમની બીજી ખરીદી કરે, તે પછી તેમને લોયલ્ટી પૉઇન્ટ્સ આપો અને આભાર માનતો SMS મોકલો.

Flow સરળ, નો-કોડ “ટ્રિગર, સ્થિતિ અને ઍક્શન” ના ફોર્મેટ પર આધારિત છે. મૂળભૂત રીતે, “ટ્રિગર” એ એવી ઇવેન્ટ છે, જેની Flow રાહ જોતું હોય છે અને જેના દ્વારા ઑટોમેશન શરૂ થાય છે, તે પછી “સ્થિતિ” પૂરી થવી જોઈએ અને જ્યારે સ્થિતિ પૂરી થાય ત્યારે જે કાર્ય પૂર્ણ થાય છે તેને “ઍક્શન” કહેવાય છે.

તમારા લોયલ્ટી પ્રોગ્રામમાં ગ્રાહકને ઑટોમૅટિક રીતે ઉમેરતા વર્કફ્લો માટે તે આ રીતે જોઈ શકાય છે:

• ટ્રિગર: કોઈ ઑર્ડર કરવામાં આવ્યો છે.
• સ્થિતિ: ઑર્ડરની કુલ રકમ $500 કે તેથી વધુ હોવી જોઈએ.
• ઍક્શન: ગ્રાહકને સિસ્ટમમાં VIP તરીકે ટેગ કરવામાં આવે છે.

આ એકદમ સરળ છે. અમારા ઍપ સ્ટોરમાંથી Flow ડાઉનલોડ કરીને શરૂઆત કરો. ત્યારપછી, બિઝનેસને ઑટોમેટ કરવા પડતા ઘણા સામાન્ય કામોને ઑટોમેટ કરવા માટે ડિઝાઇન કરવામાં આવેલા અમારા ઉપયોગમાં લેવા માટે તૈયાર એક (અથવા ઘણા) ટેમ્પ્લેટનો ઉપયોગ કરવાનું શરૂ કરો. અથવા અમારા નો-કોડ “ટ્રિગર, સ્થિતિ અને ઍક્શન્સ” વર્કફ્લો ક્રિએટરનો ઉપયોગ કરીને તમારા બિઝનેસને નડતી અનોખી સમસ્યાઓ ઉકેલવા માટે તમારો પોતાનો વર્કફ્લો બનાવવાનું શરૂ કરો.

હાલમાં Flow પ્લેટફોર્મ માત્ર અંગ્રેજીમાં જ ઉપલબ્ધ છે.